Home / Budaya / Maturutup Musema Boto Ningna Uda

Maturutup Musema Boto Ningna Uda

Inda boto naatarantai namaturutp musema ibaen amanta, naiparsontungkon musema sada-sada inda porlu disia boto sude, pala naso tarbina natorus ibinasaonia do, namartamba-tamba dope dongan nasodong karosi dohot mejana, pala naso adong boto meja dohot karosi palanga singgang, na gopak domei laos manjurur-jurur, angke mangarti mahita antong nahancitpe nahona duri ancitan dope nairampingkon tile, ning bayo napoteng sisungutna dihatiha markombur dilopo jaboboli.
Songoni mada parmainani di namangolu mocom-mocom parsoalan nangkan naadopan, pagawe negeri angkon siap ona rampingkon, pala pagawe nangeri songon hitaon, siap menderita dihangoluanon arena namurmaboratdo boto ngolu-ngoluon, ning Manopek antong mangalus.

Pala namartamba-tamba dope jumlah ni pagawe na menja kosong sangajo naponting mantong karejoi, tile, inda tardokon bage aha dabo antong, angke salolotnaon dompak bahat jabatan ni pagawei nabahatan monyokdo songoni, sapala dung maotik arena ro perampingan, bahat muse pagawe namanduru-duru, dohot-dohotan mambaen lubang manjalai sere, inda namangartibe iba maso sannarion ning bayo napoteng sisungutnai muse mantong manguduti caritoi.

Sannari madung tarbacado tangkas dihita, margonti pamimpin margonti pangalhona, apalagi nadonok musema masona nagkan namargonti pamimpinta, ise napade disia, imusema nangkan namangatur, ise naso pade namamuhung-muhung muse maei songon napurogoson, arena hita manusiaon, pade disia inda napade dihalak, deges ning dongan najatdo di halak nalain, songoni mada parmainan dinamangoluon, ning bayo napakean seragam mantong manggara-garai.

Pala naro musema pamimpin nabaru haropanta antong martamba dengganma bope hangoluan ni pagawe sangape hangoluan ni rakyat, ulang martambabe poda nalima manjadi poda naonom, arena poda naonom madung lain dei artina, ning bayo napoteng sisungutnai muse antong mangalus.

Anggo pangalaman nadung salpu, namarsirampingkondo boto tarida parmainani, ro mangarampingkon, kehe mangarampingkon, inda namur marpalan parmainan, namur maganasdo, mur macanggih tehnologi, mur mapintar mangoto-otoi, ita bangun hangoluan ni rakyat ningia, parjolo-jolo caku niado ibangunia madek-dek doma, anggo rakyati murmasompit hangoluanna, pangkal tangga sude madung masuk kawasan taman nasional, inda natanggung-tanggungda parmainanon sannari, baen kopi paeti bope namarutang ning Manopek muse mantong salaos mangapus indora.(MO/red)

Comments

Komentar Anda

One comment

  1. oloda tarsongoni mada tarsongoni ma zaman sannari. idokan atas nama halak bahat hapengan atas nama diri pribadi do. sude madung di poles dohot badak,gincu,sormin. wk..wk..

Silahkan Anda Beri Komentar