Budaya

Pabahat Sobar Angkang

Najuguk tondo manungkol isang sajo doma boto udai pala potang-potang diginjang karosi otang di barando ni bagasi, songon namardangolma idaon, ipangkulingkon pe inda ibegesa be manombo, mabiar doboto iba manompang malang orang alus, bo tarik cilek udai tualak namamolus dijolo bagasi, arana nagartipan balik-balik kaporeh niudai, nabisa dei udai jungkir balik diaong-aong, ning bayoma sian susui ni lopoi salaos manyertek loting panaet pngidupan.
Ahado ruai naipikirkon ni angkangi nadenggando harejo nia di pamarentahan, namandokon dibanamado ningna binege angkangi salolot naon, ampot madung isuru katuanai ibalun ia amak nia, arana madung itokokma palu, anggo ningroa inda angkan nasinggalak angkangi manurut carito nidongan doba, udai tarmasuk banggar namilas dei dungdo sorang pamarentahan di nagorintaon, ning bayo namar kupia nararama mangalus salaos ipatibalia antong timbako dohot pusuk ni di ginjang mejai.
Ibaratrni namambola soban ampot madung muntul baji-baji, arana pala magodang aek maruba mei tapian, martukar katua maruba mei kebijaksnaan, memang nian udai naidokon nihalak mei namandapot dibana salolot naon, tai baen tarbahatdo binege na ona pangkas ampotmada nadohotdo udai ibotak halak ulunia, arana namarsaskan tarida ibana, inda isodaria manombo inda markotuk baju nia ning bayo naisusui ni lopi muse manguduti critoi.
Anggo binege caritona katua nabaruon inda mangaligi halak nabeteng kecek, inda antong mangaligi halak na malo mambut nairagai, isedo nabotul-botul harejo dohot nadung marpangalaman,ido nangkan npakeon ni katuai nangkan namangtur pamarenthanon anso ulang songon pardalan ni ancicibang, ning ning bayo namarkupia nararai musema alusna.
Anggo nangkan naibalun ni udaima amak nia nadangoldei antong, arana unjungdo binege caritona ditaon-taon nadung salpu ro parentah tusada bayo anso ibalunia amak nia, manenjui doboto, kaco ni tingkap sude ipanenju ia mangkabugang tangani marmudar-mudar, napontingdo rupana ning bayo najuguk naisusuii musema mopeng-openg ulunia laos mangombuskon tibus ni pangidupan nia tu ginjang.
Anggo caritoni dongan sangajo madung ibotoni angkangido dabo nangkan na balunon niama amk nia, imada anso tondo ia manungkol isang, arana tarbayang mungkin disia songondia bilena pala inda dohotbe namangtur pamarentahan, salolot naon horas di komndan name ningdongan mei pala marsuo, anggo dung mela jabatani, horas di mantan komandan ning dongan doma, bile mantong dai pala songoni, lengnanma ijalaki angkangi tano kosong ambaen parkobunan anso adong ubat ni roa nia, ulang jabat sego akal nia jabat arana mangarti mahita pala sego akali nangkan na busa base doma pahae pahulu songon huting nasala soban, ning bayo namarkupiah narrai muse mantong.
Padedo anggo ning roangku topotkon udai lehen disia hata-hata natama anso ulang sego jabat pikiran nia, nangkon jabat lanjang hatana, pala dung marsuo baen dipartuturan iado siangkaan, pabahat sobar angkang ningmuma, pala ipaibul ia tenju marlojong ho tibu-tibu doting malang tu pangkal supingmu golap doboto Idaho ari natorangon, ning bayo namarbaju pagawe musema mandohot-dohoti keceki.
Sanga antong sego dongan nadenggan, anggo ningroangku nangkon jabat ilehen hata-hata sobar, iambangia muse malang namangalayas-layasi, ipatunggomia tenjunia tu ului iambang malang kupiah namamenek, hapengani uludo namarbosar, madung nakaruando boto karejoon,tup-tap malang tenju-tenju songon pndoit ni dal-dal tar-arun-arun doboto pambaennii, ning bayo najuguk disusui ni lopi mueise salaors adop samping manggirik-girik suping, pabahat sobar angkang ningiba antong songoni salao langka iba marisar-isar, pala naikojar nia martaru isar marlojong domain, ning bayo namarkupiah nararai antong salaos mekel-ekel

Comments

Komentar Anda