Dompak mangolu hayu ara nagodang pade nian ibaen parsilaungan dihatiha udan sanga hatiha las niari songon pandokon ni dongan-dongan saro tole, tai anggo madung abis ukur-ukur di ayu nagodangi, bulungnape madung rurus, punggur domai di ginjang, ulang nangkan namarsisandar di batang nagodangibe, sanga linyat itinggang punggur, mapor-por dei boto oli-olii.

Pala adong dope nagiot markusandar di hayu nagodang nadung manjadi punggur dangka-dangka nai naso mamboto untung doma halak nai ning tobang-tobang saro jolo, pas mei songon naso mamboto parubahan, madung mardekama bangsoon iambania dope bolanda totop namarkuaso, sambaing dei kaji-kaji boto pala songoni, erer-erer amang pikirkonda, anggo naholongdo rohamu didirimu.

Madung manjadi isitlah nian di amanta naparjolo pala patujolohon hata humata halai,marsantabi sapulu mei tu harajaon ima ayu araa nagodang parsialunbgan, banir nabolak parkolipan, maksudna ayu ara nagodang namangolu dei, anggo nadung punggurondo sayang roamu amang ulang padonok-donokbe tu lambung batangnai, radoi mogap di darat songon hambeng namasuk angin, guru-gur ijurnai.

Ulang amang tiru-tiru si Rudal, natarbonggal mei salolot naon natotopma marsialung ditoru ayu ara nagodang, madung tarbonggaldo tudia-dia madung pungguronma ayu ara nagodangi lengna kehe dope ia marsisandar tu batang niayui, ulang tiru-tirui amang, anggo ayu nagodang nadung pungguron inda iparsilaunganbe, igotap-gotap domain dohot sinso, anso ibaen manjadi soban, itutung pala hatiha adong namarhorja.***

Comments

Komentar Anda