Songonimada dihangolunon, pala adongma tando-tando nagiot karom parau ibarat ni namarlayar di laut nabolak, marsisalamatkon dirina mei jolmai, adong namamuhung-muhung songoni baen biarna ia ona jorat, adong antong mamasang kuda-kuda gorarna anso bisa morot sian parau nagiot karomi, adong muse sifat nijolmai nabulus putus asado, hodoma tuhan namangida anggo audo inda adong dayo upayo ningiama dibagasan roa nia laos juguk tondo manungkol isang.
Anggo halak naso parbiar, mambiar-biari musema karejo nia, pala karom parau naadongdo ibagasan niaeki labi namangalo pala jabat manyargut inda malua anggo inda mangkuling ronggur, malope marlange nabulusona sargutdo pala dung karom parau, ima dabo anso adong logu ni daganak-daganak saro jolo”tor sikotok-kotok, indalu jilok galoga, mijur inang sikotok, isargut labi satongan” ningma mntong jolma nso parbiri mambiar-biari dongan nia padohal nsaparaudo halai.
Halak nasaparaui pentong marnapintardo, adong pintar marlange, adong pintar paoto-otoon, adong muse bisuk naoto, adong juo namapintartu, anggo napintar marlangei, idaia madung marteleng-teleng parau, ipajoloma mangalumpat, arana inda aman pardalananbe ning roa nia, anggo namapintartui antong ikucak-kucak ia musedope paraui anso murmcopat, bonom, hatiha moleng-oleng paraui, irama kehidupandei, ningiama mandokon dongan-dongan nia, padohal madung motar jangkir ni dongan-dongan niai.
Inda sadia imbarna sian bodat sauduran di harangan, anggo inda adong tando-tando ni parmaraan narosuma halai nasaudurni, marsiutu-utuan, mekel-ekel mngaligi dongan nia, marsiampu-ampuan didangka ni hayui, marciok-ciok nabage binege baen ring niro nihalai, najot-jot mekel-ekel ima songon pandokon ni halak, “senyum bodat”.
Sapalaro bayo namaroban sinapang jojal, sinabiarna bodat nasaudurani, ripur tu arangan godangan, marsisalamatkon ibana, inda porlu anak dohot boru, salaku martaru ipas marlojong, mapenpen doma jabat duhut-duhuti, ipota halaidoma bope sampil-pil namangapal, arana nasangat biar pida-ida sinapang jojal naisandang ni bayoi.
Haraniima pandokon ni tobang-tobang naparjolo sunduti inda tiruon panjaharo ni bodat, nasodongdei parsatuanna, pala adong panganon, makan-makan saurang ningna, pala abiaran marsisalamatkon ibana inda porlu anak dohot boru, indaporlu kahanggi koum sisolkot, pala salamat sian parmaraan lopehko ningia, pala hona jorat dongan nihalai taonkon bungkukmu ningia dei boto, baen naso mangartido hita bahasa ni binantang, ning tobang-tobangi doda.
Parange ni bodat nasauduranima manombo naitiru ni jolma maso sannarion, anggo dompak dihatiha lan nik nadengan mada nadenggani, natonggima rasona, nabasa mada koum kahanggion sasudena, botimon mambuat nasapotei, tai hatiha tarida lotokma aek, jagai isi sotosko naron namagodangma aek, ulang buncilak matamube, salamatkon ibamu ningia musema, songon na diakhirat doma ibaenia nafsi-nafsi, ind adongbe hakouman anggo dung adong tando-tandona nagiot magodang aek.***
By: Bayo Lubis

Comments

Komentar Anda