Budaya

Madung Ranggason Boto Loponi Namborui

Patunda ni kecek badongkang sego sude nadengan, iambang nalidang ampe madung polang, iambang natenang hapengani madung pingsan, iambang baen parsipna ampe madung maila songon kukang, songonimada boto angkang dihangoluanon pala madung sala pasang iambang goreng pisang ampe pisang ompan ni urimbang.ulang angkan naijomput ni bodat natobang, nahona urungdo boto angkang, inda nabisabe marjalang-jalang.
Bahatdobo jolma naheran, salolot naon antong nasangat lakudo jagal ni anakboru namarjagal diujung nihutai, pala manyogot-nyogor ramima ama-ama minum disi salaos mangalkap goring namilas sangape roti pisang, pala dimarayak tonga borngin rami musema doli-doli marsigaor kopi susuna salaos martukar pikiran.
Bahatma hepeng tarpalagut anakborui harani laku ni jagal nia, songoni mantong rupana sadebana jolmai, pala marepengma kecekpe mur malancar inda sulahabe mandokon hata jujar-jujar, sala saotik madung burbar, mukonaipe manombo madung songon banggar, salolot naon namalodo manegelek, tai dung marepeng najot-jotma mangogar, pabege-begena bahat boto halak namotar.Lojana Namborui manggoreng manyogot-nyogot, tai inda piga halak naro minum kopibe, songoni doli-dolipe murmajarangma ro, songonima ari tuari ranggason doma lopo nianak borui inda sadia jagalnabe, jot-jotan juguk tondo doma ia manungkol isang, pamakenape manombo pas songon anakboru namabalu, panailiniape mudap-kudap songon panyirik ni lombu.
Angke dompak lacuna jagalni anakborui, bahatna keceknia, naso urusonpe iurusia, nagiot sosakdo guru kehe mangajar tusikola, marnoli-noli mangido kopi nalain-laindope sapaan nia, sadimale gajimu namangajari, pala dung kaluar sikola tudiadoho ke, pala mangajari daganak songondia ma idokonko mandokna, pala tempo murid ahama ukumanna, ning namboruido mangecek, inda kopi naipangido nigurui ibaenia.
Nariburna pala dompak rami halak namboruipe nabahatanma caritonia mungkapma sude kecek sinadongan, patunda situtuna namangeceki ipangido donganpe tamba aek milas salaluma angkan naopat sanga lima noli idokon so ibuatna aek milasi tu dapur.
Napontingna dompak adong bayo manabusi sigaret nagiot sosak mardalanan, ipupu namborui kecek badongkang, nagiot sosakdoau namboruningbayoi, Nabulus bingkasma ilala namborui, nangkonko roro tulopoon manabusi ningiama laos serbeng panailinia, lepedoma ilala bayoi laos kehe, santak ari kiamat inda jau manabusi tusibe ning roa nibayoi antong mardabu olso. Songonimada ujungna urusan ni namborui songondia solaku jagal nia, iurusia politik, iururusia gaji ni guru, iurusia sanga ise nabetengna mangan goring dilopoi, bo limpot natusia, parjagalanpe madung songon ayu naranggason dabu-dabu sa-sandangka, jotjotan matugarang doma pado-pado lao
by Lubis

Comments

Komentar Anda